冼靖峰與粉絲聚會賀新春 《亞洲超星團》決賽在即大感不捨

工作排山倒海嘅 冼靖峰 ，喺新春期間就同Fans聚會兼賀新春，喺活動上，Archie當然要唱番幾首歌，答謝粉絲嘅支持啦。過去半年Archie一直忙住《亞洲超星團》嘅訓練，仲要應付賽事，雖然好辛苦，但同時亦吸納咗好多粉絲支持，不過，呢次聚會Archie就刻意縮細規模，原因係佢想同粉絲有更多互動，不過，由於反應太熱烈，所以Archie都要加開一場，先可以滿足粉絲呀。

講到《亞洲超星團》決賽在即，Archie都話有啲唔捨得呀，雖然壓力好大，加上又要接觸自己唔擅長嘅舞蹈，但係Archie話佢都傾盡全力做好最好。