周吉佩拋寶碟祈求身體健康 盼與吉S粉繼續行善回饋社會

忙到無時間休息嘅周吉佩，呢日就去林村同「吉S粉」一齊拋寶碟，祈求新一年願望成真，吉吉話去林村前一日，突然發燒身體不適，所以佢都好希望新一年可以身體健康，保持最好嘅狀態迎接工作，而佢亦都祝願仔仔女女快高長大、聰明伶俐，而太太就身心安泰，2024賺大錢。吉吉話嚟緊將會錄製新歌，佢除咗預告新歌會有驚喜之外，仲話可能會加入舞步元素，相信吉士粉一定好期待呀。


吉吉同佢班吉士粉一向致力行善，曾經亦舉行過唔少慈善活動回饋社會，而嚟緊吉吉都話會繼續行善助人，佢仲話有計劃教基層嘅小朋友唱歌添。