獎門人元宵感謝祭丨黎諾懿大晒港普玩自抽 三太樊亦敏遇上豬隊友郭柏妍

獎門人元宵感謝祭丨黎諾懿大晒港普玩自抽 三太樊亦敏遇上豬隊友郭柏妍

今晚(23號)9點半播映嘅《獎門人元宵感謝祭》,嘉賓陣容非常強勁,由《萬千星輝頒獎典禮2023》得獎者黎諾懿、車婉婉、馬貫東、劉穎鏇、周奕瑋同麥美恩組成嘅「得獎隊」,迎戰由張振朗、劉佩玥(Moon)、「三太」樊亦敏(Amy)、鄧智堅、郭柏妍同區明妙組成嘅「奪命提示隊」。 今集節目優惠多多,除有大量感謝祭貨品喺晚上10點半節目播出後喺網購平台「鄰住買」開售外,觀眾喺收看節目期間嘟一嘟螢幕上嘅QR Code,仲有機會搶到超過10萬封現金利是,節目每part最高金額嘅現金利係888港元!

《獎門人元宵感謝祭》今晚9點半翡翠台播映麥美恩喺「一碌葛」入面收埋咗個獎!

今集氣氛非常熱鬧,主持麥美恩以林青霞喺《鹿鼎記2神龍教》中嘅神龍教聖女「我愛一碌葛」造型亮相、搶盡焦點,Mayanne仲喺長長嘅頭飾中攞咗獎座出嚟,畫面搞笑。遊戲環節同樣爆笑,首個遊戲「開心無敵落大閘」已經笑料十足,普通話出名水皮嘅諾懿大晒港普玩自抽;拍住上嘅阿Moon 同振朗就表情同動作「神同步」。向來擅長食花生嘅製作組,其中一條題目竟然係「魔音」,醒目嘅阿Moon見狀即九秒九指向郭柏妍,被「擺上枱」嘅郭柏妍就露出天然呆表情。

張振朗同劉佩玥玩「落大閘」好落力。講起「魔音」一定係郭柏妍,而佢嘅反應堅正。

「開心無敵爭櫈仔」環節就繼續肉緊,當中以長腿女神Tiffany最為搶鏡,短打上陣嘅Tiffany同振朗爭櫈仔,搶到瞓晒地亦在所不惜,最終成功揮贏振朗!Tiffany最後同鄧智堅上演「長短腳終極對決」,最終誰勝誰負?節目自有分曉!

大家玩爭櫈仔好落力。 劉穎鏇巾幗不讓鬚眉,打女上身爭贏張振朗。

喺「開心無敵以訛傳訛」,三太Amy以瞪大雙眼、六字手勢同跳Moon Walk演繹「登陸月球」,雖然三太表現精靈兼有諗頭,可惜遇上豬隊友,郭柏妍將相關動作演繹成「牛牛跳舞」,令人摸不着頭腦,Mayanne忍唔住講:「真係好嘢,經過你手都變第二樣嘢!」喺「開心無敵開口中」及「開心無敵彈遮遮」中,三太再度出動私伙潛水泳鏡同巨型太陽帽,婉婉戴浴帽應戰,造型搞笑。

三太扮「登陸月球」個樣好搞笑。郭柏妍究竟做緊啲咩?個樣仲勁有自信,真係畀佢笑死。三太呢個 Look 好搶焦。車婉婉都戴浴帽上陣。彈遮遮都係笑料十足。

《獎門人元宵感謝祭》今晚9點30分翡翠台播映

 相關推薦

熱門搜尋