李佳芯大騷長腿纖腰呢日聯同卡通人物出席活動,佢透露農曆新年都忙住睇劇本,因為好快要開拍新劇,今次劇集題材新穎,以打麻雀為主題,不過Ali就話自己劇中唔使打麻雀,反而係飾演一位數口好精嘅管家婆,幫譚俊彥打理業務。
Ali希望趁住呢個角色變得對自己理財同數口更精明,佢解釋因為本身係一個開心至上嘅人,所以唔會太去計使咗幾多錢,又話自己排序係開心先過錢,所以相比起新劇角色嘅性格就好唔同。
2月14號情人節撞正喺農曆新年期間,Ali笑住話唔會講自己冇花收,不過對方就唔係神秘人,佢解釋因為朋友間,不論男女都會互相送朱古力、小禮物,追問到當中會唔會有追求者?Ali就話感覺唔到。至於會唔會恨收到有機會發展嘅人送禮物畀自己時,佢就相信應該每個女仔都會想拍拖同有一段姻緣,但係Ali指自己一向唔強求同唔會去諗太多,佢大大方方話如果有拍拖相信大家都會好快知道,因為自己唔識講大話。講到今年元宵佳節會唔會食吓湯丸,佢就笑住話唔想自己一個人食,睇吓有冇約朋友食飯,順便去湯水店食湯丸應節。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)