何超儀負傷為劉以達作品展做嘉賓 透露二人曾「失散」多年

何超儀負傷為劉以達作品展做嘉賓 透露二人曾「失散」多年

劉以達 日前舉行入行40年嘅首個作品展,達哥以又潮又ROCK嘅雞冠頭造型現身,不過點都唔夠佢彈琴風采吸引。為作品展擔任嘉賓嘅 何超儀 ,雖然因為聽導演講嘗試閉眼跳舞時不慎受傷,仲搞到骨都裂埋,但即使要以拐仗輔助行路仍無阻佢要出席嘅決心,令達哥非常感動。

超儀同老公陳子聰感情恩愛,喺子聰患病期間,超儀全情投入照顧老公。如今超儀受傷,雖然子聰已經慣左老婆時常整親,但佢亦非常細心照顧超儀。

達哥同超儀好快就會喺三月再度出騷,超儀更趁機把握好機會向達哥邀歌。二人更分享惺惺相惜多年但至今先講合作嘅原因,原來係因為佢地「失散」已久,好在最後因為超儀從來冇轉電話先再度聯絡返。所以達哥一搵超儀做嘉賓,超儀都即刻答應。

 相關推薦

熱門搜尋