再見．枕邊人｜Mandy甦醒搞砸馬神Kelly婚禮 羅天宇被撩變外向Fred成終極奸鬼

新劇《再見．枕邊人》以懸疑劇情演繹複雜嘅三角關係，第一集當中失蹤7年重現嘅 黃智雯 ，面對老公 馬德鐘 同新歡 張曦雯 嘅結婚戲，就因為Mandy突然出現搞到敗興而回喇。扮得靚靚著上斜膊婚紗嘅Kelly，仲自爆自己非常實際，對婚禮完全冇憧憬，不過可以同馬神一齊經歷一個戲中婚禮就一樣係非常好嘅體驗咁話。

而馬神就對Mandy突然出現搞到婚禮取消有啲投訴，仲話首集已經咁大反差，往後嘅劇情大家一定要追貼咁話。

至於因故失憶嘅記者Mandy，甦醒後就認識律師 羅天宇 ，仲會發生一啲感情火花，Joey仲話角色同自己性格有非常大分別，今次演出同過往非常唔同呀。

扮演馬神伴郎嘅 徐榮 同會一直蛻變成為奸角嘅富二代 鄭俊弘 亦都有參與，但係就爆阿Fred之後越來越衰，殺人放火乜都齊咁話呀。