中年好聲音2丨10位唱將奮戰躋身決賽 林若盈被寸賣慘以幽默態度看待負評

中年好聲音2丨10位唱將奮戰躋身決賽 林若盈被寸賣慘以幽默態度看待負評

TVB歌唱真人騷《中年好聲音2》賽程進入最後階段,日前10強正式誕生,10位唱將再戰爭取晉身決賽,嚟緊爭入9強之戰,請到《聲夢傳奇》年輕歌手做助唱嘉賓。

《中年好聲音2》十強人馬分別係陳俞霏、古淖文、黃劍文、劉威煌、沈宗賢、安雅希、顏米羔、林若盈、譚輝智及陳蒨葶,雖然中聲同聲夢唱將有啲年齡差距,不過佢哋喺音樂合作上完全冇代溝,事先已跟對方溝通好。

古淖文坦言跟其他唱將一齊越唱越勇,而黑馬譚輝智就以佛系應戰,黃劍文覺得跟一班《中聲2》相處好開心,大家冇爭分數,心情係好放鬆;暫時積分低嘅三位女唱將陳俞霏、林若盈同陳蒨葶,對於可能被淘汰,三人覺得好淡然,因為從海選到入10強,佢哋認為已超額完成。

林若盈喺整個賽程多次跌入危險區,經常徘徊喺被淘汰嘅邊緣,林若盈最近喺節目再度分享唔開心嘅人生故事,惹來網民負評,林若盈選擇以幽默態度去看待。

 相關推薦

熱門搜尋