婚後事｜最姣小三王敏奕誘惑登場 火辣觸碰揭羅子溢出軌之謎

話題劇《婚後事》上個星期播出僅5集，劇中嘅人物同關係，經已引起唔少討論熱話，踏入第二個星期，今晚(4號)播出嘅一集主角，終於輪到千呼萬喚嘅「致命誘惑」Mira( 王敏奕 飾)出場。呢次突破純情框框演繹「最姣小三」嘅敏奕，佢嘅出場，能夠為潘善仁( 羅子溢 飾)有冇真正出軌帶嚟終極答案。

被指係劇中最姣小三嘅王敏奕，今晚劇情就會由佢視點出發佢同羅子溢之間到底又有冇發生過啲咩？

劇組率先發布今晚一集精彩場面，原來敏奕將會上演一場為時20秒嘅「終極誘惑」；相片所見，鏡頭先係close up敏奕一雙電眼，之後大晒香肩嘅敏奕，將極盡嫵媚又帶啲含羞咁面向鏡頭，眼神仲係饒有深意，火辣度爆燈。另外相關場口嘅鏡頭處理亦相當特別，加入咗大量嘅形容詞包括「吞噬」、「如雪」、「出軌」、「像火」及「張狂地燃燒」等，到底點解敏奕嘅角色會有咁樣嘅走向？觀眾就千祈唔好錯過今晚播出嘅第六集《婚後事》。

狂騷迷人眼神嘅佢今晚又會以咩角度睇愛情呢？

《婚後事》星期一至五晚 21:30 翡翠台