開卷台灣篇｜走訪「螢火蟲書屋」何泳芍伍韻婷著旗袍曬美腿

林溥來（Patrick Sir）帶領一班J2ers 何泳芍伍韻婷同布樂文繼續《開卷》台灣行。呢集一行人走訪位於新北石碇嘅「螢火蟲書屋」，原來書店前身係煤礦場，環境非常潮濕。創辦人葉家豪希望藉保育書店，喚起大家關注同愛護環境。店內不時會舉辦讀書會、走讀活動讓令多人認識呢度嘅故事。

一行山今次探訪位於石碇；前身為媒礦場嘅書屋

Patrick Sir問到店名由來，身為創辦人嘅葉家豪解釋話︰「17年4月跟一班義工到呢度淨山(清潔)活動，一班人當時做得非常辛苦，忽然從垃圾堆爬出兩隻螢火蟲，大家因此得到鼓舞。」葉家豪笑言大自然喺適當時候會伸手送上安慰，佢回想小時候呢片地方既冇垃圾，水溪更有螃蟹出沒。

講到經營中最難忘嘅事，佢話︰「有次打風朝早起身，地上全部係積水，屋頂都唔見咗。最後花咗一個月修復。」籌集復修資金方法亦非常特別，靠賣親自種植嘅蔬菜、水果得來。日常營運開支就要靠出售培養嘅靈芝同香菇維持。而介紹中亦出現小插曲，抵死嘅Honey為貪方便，將收音咪藏喺tube top內，不過每當俯身時，收音咪都會穿崩意外露出。