婚後事丨少女版「悅悅」險被強姦 黃淑儀兒子重返TVB拍劇奪區明妙第一次

區明妙喺TVB熱播劇《婚後事》飾演少女版「悅悅」區明妙，擺脫中學生造型，大膽衣著帶點反叛感，劇中講佢去試鏡嗰陣，遇上「渣男」徐肇平，渣男以借睇劇本之由，邀請區明妙上酒店房，區明妙被摸大髀強吻險被強姦，最後一腳踢中對方重要部位先成功甩身。

區明妙拍呢場喺酒店房嘅親熱戲，事前做足排戲，區明妙仍有啲不知所措，坦言第一次拍親熱戲好緊張，徐肇平認為溝通得清楚啲就會幫到對方，區明妙承認有啲怕醜，笑言徐肇平喺劇中原本係男神，後來先知原來係衰人。

黃淑儀兒子徐肇平重返TVB拍劇，見番一班同事，又有機會識到啲新人，尤其佢同羅天宇一向好老友，今次有機會拍《婚後事》兼一齊玩，的確係好開心。