薛家燕行善不遺餘力支持義賣 捐出600件靚衫親自拍片介紹

薛家燕一向行善不遺餘力，對慈善活動更加係出心出錢又出力，嚟緊呢個星期日(24日)，家燕姐就會去到旺角麥花臣場館進行義賣活動，當日佢仲會逗留至下午3點，賣咩？梗係賣靚衫啦！

家燕姐出咗名多靚衫，淨係登台服，分分鐘都過千件，今次家燕姐將會捐出600件靚衫義賣，喺義賣前，家燕姐仲親自拍片騷啲靚衫俾大家睇，件件華麗，而價錢只係50蚊起跳，大家可以準備好銀彈，星期日去搵家燕姐齊齊做慈善喇！

其實家燕姐兩年前都攪過一次網上慈善義賣活動，賣出超過200件衫，籌得超過10萬蚊善款，其中一件登基衫仲有善長出價3萬蚊添。今次靚衫數量倍增，義賣所得將會全數捐俾善臨慈善基金，家燕姐就話希望大家共襄盛舉，買靚衫之餘，仲可以幫助有需要嘅人。