再見‧枕邊人丨同劇中情敵張曦雯爭奪囝囝歡心 黃智雯送上九份生日禮物

再見‧枕邊人丨同劇中情敵張曦雯爭奪囝囝歡心 黃智雯送上九份生日禮物

羅天宇喺《再見‧枕邊人》入面嘅造型夠晒突破,呢日佢仲化身魔術師現身一個生日會,原來係幫馬德鐘劇中囝囝志騫慶祝9歲生日,見到一眾演員都玩得好開心,但最開心相信係呢幕戲嘅小演員劉宸熙啦!劇中兩個媽咪當然都有表示,黃智雯仲一次過送上九份禮物,佢解釋話:「因為戲入面講我失蹤咗九年,咁多年都miss咗騫騫嘅生日,今年踏入第九年,所以就送足九份俾你囉!」

Mandy同Kelly喺劇中為爭奪囝囝志騫嘅歡心,已經去到白熱化階段,嚟梗踏入結局周嘅劇情,究竟誰勝誰負呢?Mandy劇透二人繼續會有衝突戲份,當然亦都會繼續爭囝囝喇!

天宇喺生日會度要上演一幕刀鋸美人,唔好以為只係鋸一刀咁簡單,其實事前要有好多準備功夫,擔任美人既尹詩沛仲要搵嚟蕭麗芠幫手先至完成到。尹詩沛話好榮幸自己可以扮演美人,仲可以part住天宇咁靚仔嘅魔術師,而天宇就話自己知道要演呢場戲都好緊張,仲不停上網睇片搵資料,好彩最後都有信心可以完成。

熱門搜尋