蘇打綠全新巡迴香港展開 全場禁拍攝錄音換Encore任點唱

蘇打綠 出道20年嘅《二十年一刻》巡迴演唱會，香港站星期五喺紅館展開兩場演出。今次係佢哋睽違8年之後嘅首次大型巡演，一開騷團長 阿福 就感性話，蘇打綠近年每一步都唔容易，又細數佢哋嘅四次巡演都係由香港起始。而青峰亦回想話：「小威第一次求婚、家凱第一次在台上褲子破掉，也都是在香港」令全場笑聲震天。

成軍20年嘅蘇打綠再一次喺香港展開巡迴演出

蘇打綠全員以純白打扮現身，象徵佢哋重回音樂起點，接連演唱《日光》同《早點回家》等歌曲，之後嘅夏、秋、冬每個段落都以色彩於舞台視訊與燈光色彩於舞台視訊與燈光強烈視覺呈現。今次巡唱蘇打綠更驚喜為觀眾演出唔同語言歌曲，除咗英文歌《Everyone》，又翻唱經典台語歌曲《追追追》，以搖滾編曲搭配古典樂元素。

今次演唱會以春、夏、秋、冬四季作段落

今次巡演蘇打綠一早已不斷提醒觀眾，必須遵守禁止拍攝同錄音等規定，而呢日演唱現場，更向每位入場觀眾贈送「手機袋」，開場前又播放團員特別錄製嘅廣播，提醒觀眾「人在做天在看」，點歌段落以觀眾是否守規矩而決定。

成員更定下禁拍攝同錄音嘅規矩，又送手機袋作紀念品，希望大家專注欣賞演出

而首場觀眾表現亦獲團員們讚許，Encore任大家點歌，佢哋仲加碼獻唱一首從未曝光嘅新歌，令觀場大為驚喜。小威創作嘅呢首新歌名為《你不需要多完美》，係蘇打綠特別為《二十年一刻》巡迴演唱會準備嘅禮物。