中年好聲音2｜決戰在即譚輝智被封點撃王 七強周日對壘爭冠軍寶座

聽日就會舉行總決賽「登峯之戰」嘅《中年好聲音2》14強選手，近日已經投入為最後之戰加緊綵排，而網上走勢暫時同演出片段點擊暫領先嘅 譚輝智 ，仲被封為點擊王，呢日佢同 黃劍文 古淖文 陳俞菲 顏米羔 沈宗賢 仲有 安雅希 綵排時受訪，就似乎仍然有啲怕醜喇。

大家為咗總決賽都各出奇謀準備，好似Kimman就攰爆都依然跑步「放鬆」，而俞仲話瞓著覺都夢到表演舞步呀。決賽大戰一觸即發，而唔少家人好友都爭相想現場見證王者誕生，難怪佢哋都話搵門票都係一大頭痛問題啦。

除咗七強為決賽而緊張之外，第8到14位嘅戰友們就可以放鬆好好享受呢次舞台演出，不過就一樣戥最後一戰嘅老友們辛苦，仲齊齊做佢哋嘅最強後盾，為大家打氣拉票呀。

《中年好聲音2登峯之戰》 星期日晚 20:00 翡翠台
《中年好聲音2》登峯之戰後台直擊 TVB娛樂新聞台 賽前賽後網上直播