中年好聲音2｜最後7強終極備戰 譚輝智舞技成眾人期待

歌唱節目《中年好聲音2》決戰在即，最後七強古淖文、安雅希、譚輝智、顏米羔、黃劍文、沈宗賢、陳俞霏為賽事進入終極備戰，呢日佢哋抽出決賽夜首輪比賽出場順序兼展現排練成果。

講到備戰心情，顏米羔表示非常緊張，但對賽事走到尾聲而不捨；黃劍文就透露會有9位親友到場為自己打氣，佢冇打算要同親友們有視線交流，但亦感動佢哋對自己嘅大力支持；陳俞霏甚少現身嘅老公，到時亦會現身撐愛妻；古淖文就以平常心面對，笑言若果入到決賽，將會以「拋頭顱灑熱血」姿態一邊享受一邊衝刺。

至於沈宗賢心情亦相當興奮，期望自己可以完美演出唱跳部分，佢更為練氣而做足準備，每日都戴住口罩練習唱跳，為求更貼近真實比賽情景做預習。同樣視唱跳為大敵嘅譚輝智就為自己設最低要求，只要唔出醜就得喇！而古淖文同顏米羔就話佢哋好期待譚輝智嘅演出，大爆對方宜家跳得非常好。作為最後七強另一位女將嘅安雅希，就表現心情既興奮又緊張，但亦非常不捨，希望去到最後一站，七個人可以團結呈現完美表演。

首輪比賽七強出場順序：（1）沈宗賢、（2）顏米羔、（3）陳俞霏、（4）譚輝智、（5）古淖文、（6）黃劍文、（7）安雅希

《中年好聲音2登峯之戰》 今晚 20:00 翡翠台
《中年好聲音2》登峯之戰後台直擊 TVB娛樂新聞台 賽前賽後網上直播