旗下藝人Miusa疑戀陳零九 吳宗憲激心嚴厲訓話

吳宗憲旗下藝人Miusa近日被拍到同五堅情成員陳零九一齊返回住所兼逗留超過17小時，因而傳出緋聞，令憲哥激到紮紮跳，更放聲氣表示拒絕為Miusa演唱會擔任嘉賓。雖然Miusa事後解釋二人只係一齊做音樂，但憲哥亦對佢嚴厲訓話，希望佢學識潔身自愛。

而憲哥同女兒吳姍儒呢日錄影節目時，向傳媒透露Miusa目前閉門思過當中，而自己對藝人並無下禁愛令，如果作為新人嘅Miusa想紅、想做天后，就應該喺當前放下七情六慾。

Sandy主持工作多多，但佢喺懷孕期間就被細佬鹿希派搶走主持棒，鹿希派更同余祥詮組成「廢弟組合」，Sandy更話佢知道鹿希派最初喺節目尚算客氣，但越錄就越放得開不停講佢呢個家姐壞話。Sandy亦大爆鹿希派同余祥詮喺街上被路人遇見，但對方只認識余祥詮，完全唔知鹿希派係邊個。