豹嫂開金口Cover《傾城》引好友狂Like 與原唱許美靜同被譽可與王菲爭展短

話題劇《婚後事》以 曾比特 翻唱一曲《傾城》，而令外界更為投入主角之間嘅感情糾結纏繞。除咗外界討論原唱歌手 許美靜 受精神問題影響而令人唏噓，歌曲嘅肺腑刻骨亦勾起當年香港樂壇百花齊放嘅回憶，近日同樣90年代出道嘅 豹嫂 胡蓓蔚 亦同樣翻唱致敬。

豹嫂 自細就已經參加唔少音樂比賽，認識方丈 劉以達 後加入樂壇，憑美妙歌聲同技巧曾參與過達哥、林海峰同陳冠希等嘅專輯合唱，早年更有翻版王菲嘅稱號。雖然近年豹嫂較少開金口演唱，不過近日佢就因為 黃翠如 嘅一句說話，而喺社交平台Cover《傾城》呢首經典歌曲，仲獲大班好友比Like讚好， 胡定欣 仲叫豹嫂晚晚開唱，點知就被一句「仲要煮飯架！你唔係唔知呀？」回擊，對話可愛又搞笑。