梁詠琪首次澳門開演唱會 老公女女突擊上台預祝48歲生日

梁詠琪 近日首次於澳門舉行演唱會，呢日就連西班牙籍老公Sergio同寶貝乖女亦都一齊上台，大會仲夾埋一齊為佢提早慶祝25號嘅48歲生日，話咁快已經長大到幾乎到Gigi膊頭咁高嘅Sofia，面對台下全場觀眾亦毫不怯場，甚有大將之風。

之後Gigi又同老公互相親吻示愛，仲話自己嘅人生因為老公同女女而唔再孤單，溫馨到不得之了。Gigi又指到台下同歌迷握手感覺非常親切，加上老公同女女突然出現令自己非常驚喜呀。