吳若希灣仔失iPhone報咗警 驚見手機定位將軍澳促賊人歸還：攞番返嚟TVB畀我

吳若希最近拍緊TVB劇集《奔跑吧！勇敢的女人們》，忙住日接夜拍劇，點知佢噚日喺灣仔被人偷咗手機，仲發現自己部手機離奇喺將軍澳「出現」，吳若希今日喺IG出post希望對方乖乖地攞返失物去TVB電視城。

吳若希今日喺IG出post希望對方乖乖地攞返失物去TVB電視城。

事緣吳若希噚日喺灣仔滙豐銀行附近畀人偷咗部電話，靠著Apple裝置內建「尋找（find my）」功能，發現16分鐘之前「電話」喺將軍澳出現過，吳若希報咗警，只希望呢位有心人乖乖哋攞返佢部手機去TVB電視城，吳若希續道：「俾返我啦～～ 何必呢？」

陳詩欣提議佢報東張，吳若希就回覆：「係咪可以去洗樓逐間拍門？」

吳若希雖然已經備案，不過佢就傷心咗成晚，仲搞到佢連去婚禮都冇手機影相，陳詩欣（Eunice）提議佢報東張，吳若希就回覆：「係咪可以去洗樓逐間拍門？」有網民建議補寫英文內容，因為有機會「非閱讀中文」人士參與案件，另有網民亦留言：「哇，原來我屋苑啲人咁㗎！希望佢快啲俾返部電話你，偷人電話都有。」
吳若希雖然已經備案，不過佢就傷心咗成晚，仲搞到佢連去婚禮都冇手機影相。