再見‧枕邊人丨張曦雯爆喊戲獲讚 羅天宇鮮有公開獻唱心情緊張

TVB熱播劇《再見‧枕邊人》踏入結局周，馬德鐘、張曦雯（Kelly）、羅天宇及鄭俊弘（阿Fred）等呢日現身宣傳兼大玩遊戲，Kelly嘅角色雖然強勢，但面對愛情都有軟弱嘅時候。

Kelly上星期演一場爆喊戲，就獲網民大讚演技出色。至於天宇就大開金口，獻唱佢同吳若希合唱嘅劇集插曲，少有公開獻唱嘅佢，就話心情幾緊張，佢話一嚟現場有好多唱得之人，再加上第一次公開演繹呢首歌，又要背埋吳若希嘅歌詞，所以天宇話幾有難度。

身旁嘅阿Fred大讚天宇表現好好，話佢一個人要攬成首合唱歌，的確係好難，所以天宇掌握到已經好好啦！