喺早前《萬千星輝頒獎典禮》勇奪最佳女主持嘅 麥美恩 ，近日為自己擔正主持嘅節目《Mayanne小喇叭》同大家探討唔同主題，近日一集AV女優就掀起唔少討論喇。首個「骨肉」出世，Mayanne亦非常緊張，連日都追貼各大傳媒對節目嘅報道，對收視就更為重視，日前仲豪言「有15點我著比堅尼慶功」。
而根據星期一嘅最新收視報告，《Mayanne小喇叭》上周收視有15.2點，有99萬觀眾收睇，而自2011年參加《香港小姐競選》，穿著泳衣上台嘅Mayanne，之後多年來嘅節目司儀等工作，穿著打扮都以大方高雅為主，非常錫身，不過今次似乎真係要揀定泳衣找數喇。
《Mayanne小喇叭》星期四、五晚 22:30 翡翠台