獨家｜《中聲2》代表探訪老友記 慈善演唱會閃電爆滿即加場

新鮮熱辣出爐嘅幾位《中年好聲音2》冠軍 古淖文 呢日同季軍 顏米羔 仲有 陳燕娜 王學琳 同前輩 胡渭康 一齊出席一個探訪活動。雖然比賽啱啱先完結，不過日前公佈嘅慈善演唱會門票閃電售馨，而呢日佢哋仲收到會加開4月15號場次嘅消息，難怪大家都咁高興啦。

佢哋仲話唔少親友嘅電話都不斷追問佢哋搶飛，可惜門票始終有限，佢哋都要各出奇謀想方設法搵埋一份喇。除咗演唱會之外，《中聲2紅白大戰》亦都好快殺到埋身，經歷足足半年比賽嘅幾位就自信十足，話一定會準備十足咁話喎。

同一班老友記齊齊玩遊戲唱歌，大家都非常開心，唔少人仲捉住German祝賀，而米羔亦都不時會探訪唔同朋友呀。至於籌備促成今次活動嘅William，先自嘲自己一把年紀，仲話舉辦呢類活動自己都一樣開心呀。