Mayanne小喇叭丨「細細粒」陳嘉佳帶貨直播闖出一片天 梁競徽感謝TVB過往磨練

由麥美恩同曾展望主持嘅TVB節目《Mayanne小喇叭》，呢集請到瘦咗又靚咗嘅小寶陳嘉佳同埋梁競徽做嘉賓，小寶同競徽近年轉換跑道，積極開拓直播帶貨市場，賺到豬籠入水，不過要賺呢啲錢都認真唔容易。

小寶話因為對自己要求高，所以做直播要付出嘅努力絕非外人能夠想像，而競徽都話直播好睇但唔易做，辛苦程度係一般人睇唔到，雖然佢都坦言相比帶貨，自己都係鍾意拍戲多啲，但既然選擇咗要做帶貨直播，就一定會努力做到最好。而競徽仲話自己可以勝任帶貨呢個工作，真係要多謝TVB過去嘅磨練。

瘦身成功嘅小寶已經有成四年冇返TVB拍劇，小寶拍劇團火似乎俾目前工作撲熄咗，事關佢而家成個工作模式係生意行先，如果要變返拍劇模式可能需要唔少時間適應，暫時佢都係專注帶貨先！