美國饒舌歌手涉人口販賣 傳坐私人飛機逃走避調查

美國知名RAPPER P.Diddy（Sean Combs）官非多多，繼上年被前女友Cassie Ventura入稟曼哈頓聯邦法院控告佢虐待兼強姦後，日前P.Diddy因涉及性販運、性侵犯、招攬及分發非法麻醉品而被探員突擊上門搜查三處住所。

P.Diddy因涉及性販運、性侵犯、招攬及分發非法麻醉品而被探員突擊上門搜查三處住所。

根據外媒報道指有三女一男之前喺曼哈頓接受聯邦官員約談，有消息指仲有3人將同當局人員會面。外媒更指警方今次喺搜查發現P.Diddy喺多個住所內每一間房均有偷拍鏡頭，有傳唔少名人曾出席過佢舉行嘅「派對」，或許偷拍嘅影片有機會成為名人被要脅嘅把柄。

警方今次喺搜查發現P.Diddy喺多個住所內每一間房均有偷拍鏡頭，總數多達數百個鏡頭。

雖然當局將佢兩名兒子Justin與King Combs，以及家人帶走協助調查，但作為關鍵人物嘅P.Diddy行蹤卻成謎，有指P.Diddy連夜搭私人飛機離開美國，佢嘅私人飛機曾喺25號於加勒比海安提瓜島降落，但佢本人就冇喺飛機上。有指其拍檔Brendan Paul喺準備搭私人飛機走佬嗰陣，被警方以藏毒及販毒罪名拘捕帶走。