吳君如孖陳可辛現身首映 曾打擊楊曜愷做導演不易

由楊曜愷執導嘅電影《從今以後》喺3月28號展開序幕嘅「第四十八屆香港國際電影節」舉行亞洲首映，而電影早前更榮獲柏林影展泰迪熊獎。

「第四十八屆香港國際電影節」舉行亞洲首映。

君如呢晚以迷你短裙打扮大騷長腿。呢晚導演楊曜愷、聯同區嘉雯、李琳琳、太保、梁仲恆、廖子妤、梁雍婷、李麗霞（黑妹）等一眾演員行紅地氈，貴為影后嘅吳君如更孖住名導老公陳可辛一齊現身首映。
君如呢晚以迷你短裙打扮大騷長腿，長腿姐姐更自爆：「首先恭喜導演，今日佢咁成功好戥佢開心。童年時曾經打擊過佢，同佢講做導演咁易咩？但係佢依然堅持要做導演，如今佢已經係一位成功嘅導演。所以真係好戥佢開心。」