獨家丨福祿壽訓練學院爆笑登場 王祖藍化身粉紅「痴情基」爆思捷被學員挑機

阮兆祥、王祖藍、李思捷三位扮嘢王為全新扮嘢節目《福祿壽訓練學院》擔任導師，節目將於3月31號首播，呢日為節目進錄影時，一開始就施展佢哋強項分別化身話題人物登場，祖藍染上一頭粉紅髮、孭上側孭袋及粉紅恤衫扮「痴情基」、祥仔穿上粉紅色衛衣扮「美B」，仲有思捷嘅粉紅「光B」，佢唔單止齊齊唱歌，搞笑指數爆燈！

福祿壽為咗緊貼娛圈消息，經常留意住TVB娛樂新聞台嘅報道搵靈感，大家呢日裝扮就係睇娛樂新聞而嚟，扮演「痴情基」嘅祖藍笑指：「如果女朋友出咗嚟，又或者結咗婚，我哋又要改歌詞，但我哋唔係做網，唔可以即時改，始終之後先出街，所以我哋仲要預知埋嗰個星期發生乜事。」

3位導師將於首集按50位參加者共49個單位盲選學員，喺海選已見過一班參賽者嘅福祿壽都感覺到長江後浪推前浪。祖藍大爆有學員挑機思捷，懂得運用十幾種聲音，並笑言：「完全可以當我哋冇到，佢哋出咗場，我哋唔使做﹗」幾位導師期待發掘更多有創意嘅新人。

而節目中有素人及藝員參加，大家各出其謀取勝，呢日仲見到關嘉敏以反串造型現身一試機會，佢話首次參加扮嘢節目，喺造型上花足心思。