長腳蟹呂慧儀忙開工視像為兒子打氣 蟹籽獲熊家踴躍捐助努力完成3小時慈善步行

「長腳蟹」呂慧儀自2018年與前港男黃文迪離婚，長腳蟹獨力照顧兒子「蟹籽」黃柏翹，回復單身，後來佢跟張景淳拍《愛‧回家之開心速遞》屢傳戀情，「龔水CP」更不時於IG放閃，不過呂慧儀冇冷落阿仔，一趁工作空檔就盡力做廿四孝媽媽。

呂慧儀一趁工作空檔就盡力做廿四孝媽媽。

呂慧儀今日喺IG貼出阿仔「蟹籽」第一次參加保良局145周年慈善步行籌款活動嘅照片，呂慧儀因工作在身，只能一邊返工一邊視像為阿仔打氣，「蟹籽」身體力行從銅鑼灣步行至香港仔郊野公園，成程要3個鐘，見「蟹籽」暴風式成長，背影睇落似足小大人，另有網民讚「蟹籽」個樣似林俊杰！

呂慧儀今日喺IG貼出阿仔「蟹籽」第一次參加保良局145周年慈善步行籌款活動嘅照片。

呂慧儀感謝熊家寶寶們踴躍捐助，包括劉丹、滕麗名、周嘉洛、單立文、湯盈盈、蘇韻姿、古佩玲及陳浚霆，佢感謝大家讓阿仔「蟹籽」有一次好好嘅體驗，仲拎咗學校個人最高籌款額亞軍，希望蟹籽以後繼續有錢出錢、有力出力多行善舉，幫助有需要的人。
呂慧儀感謝熊家寶寶們踴躍捐助，讓阿仔「蟹籽」有一次好好嘅體驗。呂慧儀希望蟹籽以後繼續有錢出錢、有力出力多行善舉，幫助有需要的人。