中聲2出席商場活動人氣旺 獲忠實粉絲胡楓現身支持

《中年好聲音2》比賽圓滿落幕，不過一班中2生嘅人氣就有增無減，呢日14位中2生包括 古淖文 譚輝智 顏米羔 劉威煌 沈宗賢 同 陳俞霏 等出席商場活動，現場逼滿晒粉絲，而粉絲群中仲出現一個熟悉嘅面孔，就係修哥胡楓，原來修哥喺中聲2嘅忠實粉絲，佢唔止去到後台為幾位中2生打氣，仲用手機影低現場嘅熱鬧氣氛呀！

不過人多就梗係容易發生意外， 劉威煌 嘅Fans就因為心急入場霸位，唔小心跌親，威煌隊長知道後，都即刻親自去慰問，兼同大家影大合照！

至於三甲選手冠軍 古淖文 、亞軍 譚輝智 同季軍 顏米羔 就再次喺台上答謝大家嘅支持，淖文話，依家諗返決賽當晚得到評判全數俾20分，心情依然好滾動；輝智話決賽當晚好似一個畢業禮，大家都好感動，至於米羔就分享自己喺比賽中嘅得著。而威煌隊長、 沈宗賢 同 陳俞霏 更輪流獻唱炒熱現場氣氛。