曹格久違香港公開獻唱騷招牌高音 趙小婷興奮貼中「中聲2」三甲

胡杏兒 同老公 李乘德 、 趙小婷 同埋久未喺香港露面嘅 曹格 ，呢日現身一個慈善晚宴，曹格話好開心可以再次來到香港唱歌俾大家聽，佢演繹咗自己嘅歌曲《寂寞先生》，即管好耐冇喺香港公開獻唱，不過曹格依然爆發力十足，招牌高音亦都維持高水準，令大家聽出耳油。

依家正修讀醫科嘅Pamela係第二次參加呢個晚宴，可能因為啱啱考完試，所以佢睇上去心情輕鬆，演唱《如願》同《唯獨你是不可取替》時都零舍從容。

Pamela有份參與聲夢家族嘅新綜藝節目《聲夢1+2》，Pamela話拍攝過程好好玩，節目除咗玩遊戲仲有唔少音樂元素，自己都好期待節目出街。

講到《中年好聲音2》日前圓滿落幕，Pamela就好興奮話自己完全貼中三甲人選，仲大讚佢地決賽當晚嘅表現超水準添呀！