歌神許冠傑紅館個唱開鑼許冠文爆笑彈龍婷助陣演出

一連三場「許冠傑最緊要好玩演唱會2024」星期六晚正式開鑼，有歌神之稱嘅阿Sam日前已經先踏台板，同有份演出嘅哥哥許冠文、囝囝許懷欣、許懷谷同侄仔許思維仲有其他嘉賓等綵排。

阿Sam嘅紅館個唱周六開鑼，佢同許冠文父子同台演出囝囝許懷恩、許懷谷同徒弟林宏龍亦一齊演出

雖然近日港人離港成為大新聞，不過於復活節假期舉辦嘅演出，首場早已全場爆滿，而阿Sam唔止同「冷面笑匠」兄長許冠文合作同台演出，Michael更滔滔不絕為觀眾大放笑彈。阿Sam呢晚表演時又不時走近觀眾握手互動，期間更大耍雙截棍紀念李小龍，首場亦邀請到龍婷香港兒童合唱團黃宇詩等一齊獻唱。