逆天奇案2｜梁小冰再與老公陳嘉輝同框 愛足30年夫妻保鮮不老

金牌監製 劉家豪 嘅榮休作品《逆天奇案2》今晚首播，新劇除咗繼續有 陳展鵬 林夏薇 黃智賢 同 蔣祖曼 等主演之外，久未於電視劇同場演出嘅 梁小冰 同 陳嘉輝 呢對恩愛夫妻，亦會再次合作，劇中仲會扮演一對黑道鴛鴦。

梁小冰同陳嘉輝當年因為拍劇結緣，今次再喺《逆天2》合作演一對夫妻

1990年參加香港小姐獲得季軍嘅小冰，隨後拍攝多部知名劇集，好似《血璽金刀》、《兄兄我我》、《濟公》同《鹿鼎記》等，因為古裝扮相可愛甜美，就連兩岸唔少劇集都有參演，成為家傳戶曉嘅演員。

小冰參加1990年港姐獲季軍，同屆冠軍係袁詠儀、亞軍則係翁杏蘭

小冰入行短時間就成為當家花旦，當年喺《血璽金刀》同伊健合作《圓月彎刀》中同古天樂有感情線

陳小春版本嘅《鹿鼎記》扮演阿珂

而陳嘉輝80年代中期因為拍攝廣告而入行，曾主持《430穿梭機》嘅佢，後來加入處境劇《都市方程式》任男主角同 郭富城 等合作演出，仲被安排同 張衛健 林文龍 劉鍚明 組成「太陽之子」，此後機會不斷，主演多部劇集。

陳嘉輝當年同小冰合作《兄兄我我》後成為戀人，一直恩愛如昔

兩人早喺92年因為合作《兄兄我我》譜出戀曲，愛情長跑直至2000年結婚，07年誕下一子Lewis。一直到今日都表現恩愛，小冰不時於社交平台分享生活，又會為老公新劇打氣支持，非常甜蜜。

一家人不時同遊曬恩愛

2000年呢對夫妻同時接拍台灣中視劇集《新梁山泊與祝英台》，令兩人紅遍兩岸，到2014年，嘉輝為陪伴囝囝成長爭取親子時間，決定重返香港發展，近年唔少劇集好似《大醬園》、《機場特警》甚至《愛．回家之開心速遞》都會見到佢身影。事隔多年，兩人再一同於新劇演出，角色令人期待。

2000年佢哋夫妻拍攝《新梁山泊與祝英台》，打入兩岸市場
今次係小冰相隔25年後再演出TVB劇集