逆天奇案2丨張頴康「回歸」密謀驚天大陰謀 梁小冰孫耀威驚喜亮相成最強彩蛋

於2021年播出嘅《逆天奇案》收視叫好叫座，相隔3年《逆天奇案2》強勢回歸，除咗有原班人馬陳展鵬、林夏薇、馮盈盈、黃智賢、蔣祖曼等外，仲會有兩名靚仔小生強勢加盟，分別係飾演天才生物學教授唐冠峰嘅方力申，以及飾演陽光型電腦奇才喬天祖嘅高鈞賢。
 兩大型男強勢加盟。
跟據無綫官方日前釋出嘅宣傳片，喺上輯因吸毒過量身亡嘅大奸角魏子樂「死過翻生」，不過因為腦部曾經缺氧以致嚴重受損，失憶嘅同時仲失去正常說話及行動能力。喺預告片入面，腦部受損嘅子樂雖然神情疲憊，但眼神依然兇險凌厲，配以「狂魔回歸 陰謀再升級」嘅預告片宣傳字眼，令人聯想子樂喺新一輯為愛妻尤麗（劉佩玥飾）報仇，將會有比「殺虎案」更驚天嘅陰謀等住陳展鵬飾演嘅森sir，同埋黃智賢飾演嘅阿力。
張頴康眼神好兇狠。
而喺公開嘅宣傳海報入面，上輯明明已死去咗嘅劉佩玥，喺今輯亦有出現於海報當眼位置，令觀眾都估到底阿Moon係會以回憶形式、尤麗鬼魂形式、定係全新角色出場。另外，除咗上輯兩大奸角，《逆天奇案2》將會有「神秘Big Boss」加入混戰，危險程度仲比魏子樂有過之而無不及呀！
 阿Moon翻生？
喺感情線方面，上輯林夏薇飾演嘅阿Wing，因為發現未婚夫森Sir同馮盈盈飾演嘅阿喜發生咗關係而堅決分手，今輯森Sir就會全力追返阿Wing，但佢唔只食盡檸檬，仲因為方力申嘅出現令而令佢哋愈走愈遠，預告片入面薇薇一句：「我哋唔應該做朋友，只可以做同事。」更似係為呢段關係判死刑。至於上輯黯然離港嘅阿喜，除咗巧遇同係電腦奇才嘅「暖男未婚夫」天祖外，仲因為一個原因而返港面對一切。
 森Sir同阿喜。阿喜巧遇同樣係電腦奇才嘅「暖男未婚夫」天祖。
《逆天奇案2》今輯七大單元個案包括「殺手的終極任務」、「越獄之謎」、「枯骨說的故事」、「臥底‧舊情人」、「龍頭棍風暴」、「絕路重生」及「四面楚歌的毒梟」，當中除咗有炎明熹（Gigi）演出外、仲有姜大衞、林景程、鄭俊弘、郭柏妍、尹光、陳嘉輝、麥玲玲及李龍基等。而彩蛋方面更加有視帝馬國明繼續客串玩cross over，另外仲有好耐冇喺無綫劇集亮相嘅梁小冰、孫耀威及69歲嘅昔日動作小生張雷。

《逆天奇案2》4月1號起 逢星期一至五 20:30 翡翠台
馬國明繼續客串玩cross over。梁小冰相隔26年再拍TVB劇集。孫耀威有16年冇喺TVB劇集亮相。姜大衞李龍基麥玲玲光B尹光昔日動作小生張雷