林心如為人母後EQ急升 喜見法庭還徐若瑄清白

台灣靚媽 林心如 出席一個關懷兒童嘅公益活動，分享自己嘅育兒經，佢話自己做咗媽咪之後EQ大大提升，仲傳授小朋友令自己崩潰時調整心情嘅秘訣：「當我到達臨界點時，我會深呼吸3秒暫時離開現場，令自己冷靜之後再回來繼續跟小孩溝通。」

問同老公霍建華喺教囡囡方面係咪態度一致，心如就話大原則係一樣，但係喺小事好似准唔准準食雪榚呢啲事﹐爸爸比較容易滿足女兒嘅要求喇。講起唔少父母都會俾小朋友學習才藝，心如七歲嘅囡囡小海豚都有學鋼琴同畫畫，不過就唔係被逼，而係小海豚自己要求。 

心如嘅好姊妹 徐若瑄 2021年捲入王力宏婚變事件，被指係介入王力宏婚姻嘅小三，王力宏因而提告，官司日前終於判決王力宏勝訴，算係還Vivian一個清白。心如亦有留意事件，仲話有呢個判決更加證明小三說法唔係真相，不過事情經已過去，希望大家都向前看。