歌神演唱會丨炎明熹盼再與許冠傑合作 許冠文稱為完歌手夢參加「老年好聲音」

許冠傑演唱會呢日開鑼，佢由兩個囝囝許懷欣、許懷谷，同埋契仔林宏龍陪同登場，而龍婷同Gigi炎明熹亦先後為阿Sam嘅個唱擔任嘉賓，Sam更以小天后嚟介紹Gigi出場，雖然Gigi痛病上場，但係都冇影響佢嘅演出水準。

之後Gigi話自己相當緊張，仲話自己本身有好多說話想同Sam哥講，但因為喺台上時間有限所以未講到，Gigi話雖然自己係「說話有限公司」，但都好想表達一下自己對Sam哥嘅敬畏之心，同時亦希望之後會再有機會可以合作。

而龍婷就興奮咁表示自己去年仲係喺台下欣賞嘅觀眾，但今年竟然可以上台同Sam合唱，覺得係一個好大嘅鼓勵，龍婷仲話因為今次同阿Sam合唱嘅歌係兩首好開心嘅歌，所以為配合輕飄飄嘅氣氛，佢特登將條裙剪短再自己一針一針咁縫好㗎！

許冠文喺演唱會上亦有獻聲，佢仲講笑話自己一直以嚟都有個歌手夢，不過打算封報名參加《中年好聲音》時，被嫌棄年紀大，所以只可以參加「老年好聲音」呀！演唱會上另一個焦點環節，就係對逝世20周年嘅黃霑致敬，仲獲霑叔愛女黃宇詩驚喜現身獻聲。