張國榮逝世21周年 唐鶴德以《阿飛正傳》對白悼念摯愛

2024年4月1嘅係哥哥張國榮逝世21周年，一如以往中環一間酒店門外變成花海，亦有嚟自世界各地嘅哥迷前嚟悼念哥哥。雖然哥哥離開咗大家咁耐，但係哥迷對哥哥嘅思念仍然不變，有哥迷話好感謝哥哥為世界帶嚟咁多好歌好電影，亦希望哥哥喺世界另一邊都可以開心快樂。

而哥哥嘅摯愛唐唐唐鶴德，喺4月1號凌晨亦喺社交平台發文悼念，佢首次用哥哥嘅短片嚟悼念對方，而短片正正係哥哥喺電影《阿飛正傳》入面嘅一段對白：「我咩都唔想要，淨係要你留低」，唐唐喺帖文入面寫住：「今天是復活節 真的嗎？」字裏行間都感受到唐唐對哥哥嘅無限思念。