逆天奇案2丨陳展鵬力戰真軍人斜坡混戰打到腳軟 孫耀威相隔16年再現TVB劇集客串演醫生

由劉家豪總監製、陳志江監製、岑國榮、孫浩浩擔任編審的 《逆天奇案 2》，逢周一至周五晚八點半翡翠台播映，主要演員包括陳展鵬、林夏 薇、馮盈盈、黃智賢、蔣祖曼、張頴康、劉佩玥、方力申及高鈞賢等。
呢場重頭戲相當大陣仗，呢一個Shot一鏡過。因為拍攝當日氣溫一度高達40度，加上啲車全部都係開住嘅，煎Pan笑言 用啲車門嚟掩護唔單止好熱好熱，佢哋仲有㷫辣親。

噚晚（1日）首播《逆天奇案 2》，一開首已進入戲肉。「殺虎案」破案後三個月，O記阿頭許浚森（陳展鵬飾）及沈韋力（黃智賢飾）奉命聯同G4、警隊護送組及飛虎隊保護非洲某國政要，期間遭「僱傭兵」集團襲擊，隨即引爆連串爆炸、槍戰、飛車、閃避、追逐及埋身肉搏場面。雖然阿森與阿力施展渾身解數、裏應外合保護政要，可惜對方仍難逃一死，警方亦有六人殉職。眾人著手調查期間「僱傭兵」集團發生內訌，五個死剩兩個，阿森及阿力憑住關鍵線索追緝喺逃最後兩名殺手！
另邊廂，阿森因前度馬穎思阿Wing（林夏薇飾）收回辭職決定，調職往心理服務課而暗存復合祈盼，但原來阿Wing早已決心放下一切。

黃智賢都好型，幾打得！煎Pan呢系列動作好型，今次對手有真軍人，話呢幕戲係體能大考驗。

噚晚（1 日）為時超過5分鐘嘅大型場面絕對係重頭製作，多角度拍攝殺手開槍及警方還擊場面，一鏡過鏡頭更突顯緊湊及真實感，其中一場戲鏡頭360度影完展鵬型爆閃避子彈後、即緊接直落轉往後方拍攝正值開槍嘅殺手，令緊張氣氛頓時升溫。由於場口涉及大量車輛及演員，眾人全程處於激戰狀態， 故場口除咗對於拍攝團隊係重大考驗，對於演員嚟講身手考牌作。陳展鵬明顯全程拍到滿頭大汗。據知相關場口拍攝接近一星期、台前幕後動員超過200人，製作費更高達7位數，十分有誠意！

首集第一個彩蛋係黃庭鋒飾演急症室醫生，因檔期關係由主演變彩蛋。孫耀威因為家豪哥專誠抽空半日客串，相當有義氣。

陳展鵬受訪時透露每次拍動作戲前都花兩至三個月時間鍛煉體力及耐力，槍戰場口最高難度係要忍受接近40度炎熱天氣、及現場車輛散發出嘅熱氣： 「每次拍動作戲前我覺得自己嘅體能同耐力訓練都要好足夠，最重要係唔可以畀自己受傷，因為受咗傷後面嘅戲就好難配合到，外景、廠景同文戲都受影響。拍戶外槍戰嗰日，正正係嗰年香港最熱嗰個星 期，我哋真係成 37-40度喺出面焗住，最辛苦係就算體能頂得順，喺咁酷熱天氣裏面、仲架車係開住嘅，我哋全部人喺車邊係好熱好熱好熱，同埋因為要攞架車嚟做掩護，我哋有辣親手腳。」

麥玲玲獲讚好有霸氣。阿Wing同阿森係咪真係自此就各行各路？

陳展鵬續指斜坡打鬥戲亦係「腳力」大考驗，打完之後第2日隻腳其實有啲行唔到，因為平衡唔到，而是次拍攝有真軍人及僱傭兵當「外援」，令拍攝時感覺更有真實感；噚晚「彩蛋」先後有黃庭鋒飾演急症室醫生，同樣飾演醫生仲有孫耀威。孫耀威繼《Click入黃金屋》後相隔16年再現TVB劇集，據知是次客串係因為想參與好朋友家豪哥總監製嘅劇集，由於孫耀威本身行程相當忙碌，幾經調動下終於安排出半日時間參與拍攝。問到孫耀威之後仲會否參與單元故事演出，家豪哥大賣關子搞笑謂：「你哋睇落去咪知咯。」因檔期關係由主演變彩蛋嘅庭鋒，雖然演出時間短，但堅持努力調配時間參與拍攝。

阿森因為前度阿Wing收回辭職，決定調職往心理服務課而暗存復合祈盼，原來阿Wing早已決心放下一切。

《逆天奇案2》逢周一至五晚八點半翡翠台播映