DSE考生鍾柔美一日溫書6個鐘爆壓力瘡 學霸素顏開直播靠玩按鈕骰減壓

應屆DSE考生鍾柔美（Yumi）係圈中出名「學霸」，中五考試更考獲全班第一，Yumi近日努力備戰DSE，噚晚7點幾抽咗少少時間開直播跟「米粉」們傾吓偈，不少fans為Yumi打氣，同時讚Yumi雖然出咗啲壓力瘡，不過偶像素顏都係咁靚！
鍾柔美噚晚7點幾抽咗少少時間開直播跟「米粉」們傾吓偈。

Yumi甫開直播即演繹大熱女團ILLIT《MAGNETIC》手勢舞，然後佢透露目前每日用六粒鐘溫書，Yumi早前已否認打算去外國升讀大學，佢想留港升大學，希望主修BBA課程。

Yumi早前已否認打算去外國升讀大學，佢想留港升大學，希望主修BBA課程。

Yumi直認有時壓力好大，平時有玩吓解壓按鈕骰；Yumi表示自己唔使考中文，引來一堆網民追問，但係Yumi未有講原因，而Yumi一向係粉紅控，亦有展示佢日用品及文具都係粉紅色，更承諾只係傾10分鐘，期間Yumi有翻開筆記嚟睇，備戰完全不敢鬆懈，fans都希望Yumi考完可以盡情去玩。

鍾柔美主攻本地大學，日日補習備，每日溫書六粒鐘，全天候備戰DSE。