逆天奇案2｜新作捲土重來演員齊聚首播會 林夏薇陳展鵬能否再續前緣惹關注

新劇《逆天奇案2》強勢回歸，4月1日首播當晚，一眾主演包括 陳展鵬 林夏薇 劉佩玥 馮盈盈 張頴康 黃智賢 同 蔣祖曼 等聯同監製 劉家豪 現身首播會宣傳，劇中展鵬同薇薇能否再續前緣受到觀眾關注，薇薇就大賣關子話，同展鵬冇辦法做朋友，暫時只可以做普通同事，一旁嘅家豪哥即刻話：「展鵬，你有30集時間可以箍煲。」非常搞笑。雖然家豪哥之前已經宣布呢套作品會係自己嘅退休之作，不過展鵬就好有信心，如果劇集收視口碑好，一定可以打動家豪哥繼續拍更多好劇集。
 
張頴康主演嘅角色魏子樂死過翻生出現，大家都好好奇佢同上集已經離世嘅劉佩玥，又會以咩方式重現觀眾眼前呢？阿康就搞笑話由於形象上阿Moon比自己老，所以二人應該係以姐弟關係出現喎！除此之外，阿康仲預告阿Moon劇中造型火辣，短褲仲短過條打底褲，而阿Moon就話自己係擔心走光會令旁人尷尬，所以特登著咗打底褲，估唔到意外製造笑料。

至於黃智賢同蔣祖曼呢一對，戲裡戲外都默契十足，Joman大讚阿Ben非常識得照顧人，十足十係暖男，而阿Ben都話同Joman非常夾，合作得好愉快。