五月天巡唱高雄站圓滿落幕 阿信台上有感而發歌頌父愛

五月天 5場世界巡迴演唱會高雄站呢日來到尾場，有五月天力捧嘅創作女團BOOM!怪物星人同樂隊麋先生擔任開場嘉賓，為演唱會熱身，BOOM!怪物星人又唱又跳，展現青春活力，麋先生就演繹拿手嘅抒情搖滾。

五月天嘅歌迷有唔少都已經升呢爸媽，所以觀眾席都見到唔少小粉絲，阿信亦好識得炒氣氛，喺互動環節特登叫大人唔好出聲，淨係同小朋友互動，盡顯五月天老少咸宜嘅魅力。

期間有小歌迷高舉自己畫嘅圖畫，問五月天點解唱《黑暗騎士》，搞得阿信突然喺台上有感而發，歌頌父愛嘅偉大，仲大讚現場嘅爸爸們喺小朋友心目中真正嘅黑暗騎士。

尾場演出五月天繼續演繹多首大熱金曲，包括《乾杯》、《戀愛ing》等，台上台下大合唱，氣氛溫馨又熱鬧。