羅啟豪40歲生日電台宣傳新歌 豪殼齊集唱歌打氣齊慶祝

4月2號生日嘅 羅啟豪 踏入40歲，呢日佢繼續為首支個人歌曲《相信 相信》宣傳，更獲電台主持送上蛋糕為佢慶祝，而一班豪殼亦一早到場唱新歌同生日歌為Ramon慶祝，睇Ramon一出現紅都面晒就知佢有幾感動喇。

非常開心嘅Ramon話每次唔同活動都會得到大家嘅支持，而日前新歌首播時，非常有心嘅豪殼已經帶埋電視到電視城打氣支持，同時又設計埋應援物派發予電台主持，協助宣傳新歌，落力又有心意。Ramon就話希望新歌反應更加理想，又想今年內再推出其他新歌，仲話會考慮推出唔同曲風嘅歌曲咁話。