愛妻號陳家樂結婚周年放閃 稱做咗十世善事先娶到連詩雅

舊年4月24號係連詩雅同陳家樂結婚嘅大日子，嚟到結婚一周年嘅日子，身為圈中愛妻號嘅家樂點會無表示呀!
陳家樂喺IG放閃。
家樂喺社交平台帖文「個個朋友都話我上世唔知做左咩好事，娶左個咁好既老婆，我覺得唔止上世，應該係做左十世善事，先可以今世成個大爺咁。」
陳家樂同老婆食周年紀念晚餐。連詩雅喺IG貼出老公陳家樂影嘅靚相。
準媽咪Shiga冧冧豬留言「Love u」同「期待」，一對準爹哋媽咪嚟梗最期待梗係預計喺7月出世嘅BB，家樂最後再hastag「密（蜜）月旅行再等多陣」、「你仲有個好重要既任務」同「周年快樂」，不少圈中人同粉絲都留言送上祝賀。
陳家樂都有喺IG放閃。