與黃劍文於舞台劇有感情線 葉巧琳指男友落禁令唔畀親熱

黃劍文 Kimman、葉巧琳 Mischa 同音樂總監Johnny Yim呢日出席一個以張國榮為主題嘅音樂劇記招，擔任劇中主角嘅Kimman同Mischa，仲喺記者會上一展歌喉，獻唱哥哥嘅經典歌曲。

Mischa話佢哋喺劇中嘅角色，都係因為張國榮而走埋一齊嘅fans，劇中佢哋會敍埋一齊分享哥哥對各人嘅影響。講到劇中要唱唔少張國榮嘅經典歌曲，Kimman話唔多唔多都有啲壓力，因為張國米對大家嚟講係冇人可以代替，無論係對方嘅魅力，定係唱歌嘅味道都係不可取代，所以Kimman話佢哋只可以用自己嘅方式去演繹哥哥嘅歌。

Kimman同Mischa今次喺劇中有感情線，但Mischa話佢哋唔會有錫錫戲，原因竟然係Mischa嘅另一半落咗禁令，所以佢哋喺劇入面只會有輕量親蜜接觸，好似攬抱一下咁。唔好睇Mischa男友睇得咁緊，原來全行一面仲有一個特別批准名單，而呢個被男友允許嘅對象就係謝霆鋒，不過Mischa就話睇嚟都冇咩機會呀！

今次音樂劇有大量跳舞元素，所以Kimman話嚟緊最重要嘅就係增肥，因為佢之前比賽時瘦咗太多呀。