咁又500年？｜西貢將軍澳超狂暴雨 Lisa路上淡定等張寶兒直擊車場流水

天文台清晨發出局部地區大雨預報，早上約9點更發出紅雨，西貢同將軍澳一帶更有凌晨起累積近400豪米雨量，早上區內多條道路同停車場都有水浸報告，而出入電視廣播城必經嘅環保大道就有停車場有多部車輛被浸，要返工嘅 謝嘉怡 亦遇上水淹馬路嘅情況，幸好未有令座駕拋錨，佢亦自得其樂於車內嘆早餐等水退。

另一邊廂，居於西貢豪宅屋苑嘅 張寶兒 ，原定今日要出席一個慈善跑活動，最後活動因天雨緊急取消，而Bowie亦直擊寓所停車場同樣發生輕微水浸嘅情況。

天文台中午再發天氣預告，指珠江口嘅強雷雨區逐漸向東移動，有機會影響本港。天文台有機會發出黑色暴雨警告信號。市民應提高警惕並留意最新天氣消息。