楊紫瓊獲頒美國「平民最高榮譽」 赴白宮接受總統自由獎章

成為史上首位亞裔演員獲得奧斯卡影后嘅 楊紫瓊 美國時間星期五現身白宮，接受美國總統拜登頒發；有「平民最高榮譽」之稱嘅總統自由獎章，佢更係首位獲得呢個殊榮嘅亞洲演員。

史上首位亞裔影后楊紫瓊獲頒美國總統自由獎章

獎章表揚曾為美國繁榮、價值觀、安全或者世界和平，或喺其他社會、私人領域作出過傑出貢獻嘅人士，今年共有19人獲獎。楊紫瓊去年憑電影《奇異女俠玩救宇宙》，成為首位勇奪奧斯卡嘅亞裔影后，白宮嘅頒獎聲明更指楊紫瓊豐富咗美國文化。

Michelle呢次獲得個獎項，被譽為係授予平民嘅最高榮譽

美國總統拜登頒發獎章時，指楊紫瓊打破刻板印象，更稱許佢「角色超越性別、文化同語言，由武術到浪漫喜劇甚至科幻小說，都向大家展示人嘅共通點」，又讚揚楊紫瓊構築文化橋梁，除咗娛樂之外，更帶起激勵啟發人心嘅作用。