張致恒太太雯雯自爆連環噩耗初步懷疑有腫瘤 冇租交被逼遷兼阿仔入院愛犬患癌

張致恒與太太區燕雯（雯雯）近年屢傳負面新聞，雯雯多次揭屋企陷入財政危機，要照顧4名兒子及3隻狗狗，噚日雯雯再次爆經歷咗「最難過嘅一星期」，初步懷疑體內有腫瘤，又指阿仔朗朗高燒入院、愛犬患癌、冇租交疑將被逼遷等連環不幸事件，雯雯直言已冇氣力再撐。

雯雯多次揭屋企陷入財政危機，要照顧4名兒子及3隻狗狗。

雯雯早前喺社交平台驚爆與親母已脫離母女關係，又指彼此只係債主同借款人關係，「佢冇必要幫我任何嘢」，獨力照顧小朋友嘅雯雯喺社交平台上載影片，稱「呢個星期完完全全好似我一生唔好嘅野一次過發生」，見佢戴病人手帶，指自己唔舒服去咗睇急症，「初步懷疑係腫瘤，要等化驗報告，同埋再深入檢查」。

雯雯戴病人手帶，指自己唔舒服去咗睇急症，「初步懷疑係腫瘤，要等化驗報告，同埋再深入檢查」。

雯雯又指兩歲嘅三仔朗朗發燒入院，持續成個星期發高燒，今次去急症分流咗係緊急，即刻照X光入院，朗朗抽血時狂嗌及大喊；而雯雯愛犬亦疑患上癌症，雯雯又再次表示冇錢交租被逼遷，稱「一個月就算姐姐到咗都冇正常工作冇收入……事實我哋又點可能有一筆錢去租新地方，就算有，香港都唔會有人租畀我哋」，雯雯透露以往會想盡辦法，甚至出賣自己都要保住個屋企，但呢個星期發生自己冇咩力氣，自己持續肚痛，仲要日夜夜照顧朗朗，擔心狗狗，「就算要瞓街，咩都冇晒，我只希望所有小朋友同狗狗可以健康，唔好離開我」。
雯雯又指兩歲嘅三仔朗朗發燒入院，持續成個星期發高燒，今次去急症分流咗係緊急。雯雯愛犬亦疑患上癌症，雯雯又再次表示冇錢交租被逼遷。雯雯透露以往會想盡辦法，甚至出賣自己都要保住個屋企，但呢個星期發生自己冇咩力氣。