《神耆小子》5.6首播｜端莊樊亦敏演鄭則士情人知己 39歲傅嘉莉扮學生妹零違和

由 鄭則士 冼靖峰 蕭正楠 樊亦敏 傅嘉莉 羅毓儀 等參演嘅新劇《神耆小子》，星期一晚(6號)就會首播。今次負責配搭兩屆金像影帝鄭則士(Kent哥)嘅重任，落喺「三太」樊亦敏身上！Amy飾演Kent哥嘅情人知己洪玫瑰，係一名機智女公關，負責幫錢大海嘅「勁威威」零食集團化解各式各樣公關災難。

樊亦敏喺新劇輔助Kent哥，仲係佢嘅紅顏知己

為咗打造女強人感覺，Amy主力以套裝造型上陣，仲梳咗一頭清爽直短髮，仲笑言其實係假髮造型。而講到今次同Kent哥合作，Amy坦言開心又榮幸，仲大爆Kent哥其實係為食大細路：「好似我哋買零食，佢又要夾錢食埋一份，同埋因為Kent哥好熱愛拍攝，所以對身邊每個人都好留意，會畀好多意見人。」Amy仲話成個劇組拍攝係快樂不知時日過，眨吓眼拍完。

以一頭假短髮現身嘅佢，仲爆拍攝時充滿歡樂

近年屢見突破嘅傅嘉莉，呢次飾演錢大海嘅千金有方，原本佢同蕭正楠飾演嘅趙子勇愛得熾熱，可惜因大海嫌棄子勇棒打鴛鴦，有方後來被逼嫁畀其他人，最終更遭老公背叛離婚收場。失婚後，佢由昔日嘅「軟弱千金」變成「獨立女性」，仲誓要靠自己雙手創一番事業，因而同大海多番起衝突。為配合角色，Kelly收起性感、主力以簡潔清爽造型示人；由於劇集將穿插唔少Kelly同Edwin昔日戀愛甜蜜畫面，Kelly其中一幕仲以學生妹造型上陣。

同蕭正楠陽國小青梅竹馬嘅Kelly當年被棒打鴛鴦

現年39歲嘅Kelly，穿上藍白色校服配以青澀笑容令人眼前一亮，加上佻皮又溫柔地餵Edwin食雪條的畫面，「初戀」感覺爆燈，《神耆小子》嘅監 製王偉仲則大佢演技大躍。

身穿校服拍攝回憶片段令人眼前一亮

至於同冼靖峰飾演一對，就係有「御用學生妹」之稱嘅羅毓儀。呢次躍升女主角，仲同「妙音龍子」冼靖峰發展感情線；不打不相識嘅佢哋，因為一宗騙案結緣，Yuki飾演嘅多多，仲係相關騙案幕後黑手，且背後藏有唔少秘密，令Archie對佢留下極差嘅第一印象，而為咗向觀眾帶嚟新鮮感，Yuki仲會以色彩鮮艷嘅短打造型上陣，頭髮亦加上shocking pink highlight，為可愛外表增添玩味。

Yuki就會同Archie扮演一對歡喜冤家不過佢現身嘅第一印象就認真麻麻喇

《神耆小子》逢星期一至五晚 21:30 翡翠台