蔡潔親回遇嚴重水浸愛車死火「榮休」 憶被困過程好驚險：水位不斷上升

過去周六早上多區受暴雨影響出現水浸，將軍澳更成重災區，新聞部更捕捉到將軍澳環保大道有一輛白色寶馬因嚴重水浸而死火被困，車身浸於積水中，車主就係藝人蔡潔，佢今日喺IG貼文表示小白「光榮退休」，又指自己獲救後返公司喊到豬頭咁。

蔡潔親回《TVB娛樂新聞台》表示當日被困好驚險，等待拖車過程中，水位不斷上升，蔡潔好想多謝消防員到場拯救，佢又指自己冇受傷，佢亦感謝劇組，同埋身邊經過為佢打氣嘅路人；蔡潔離開現場後繼續開工，無奈愛車「榮休」，蔡潔指要忙完晒工作先有時間睇新車。