暴雨下再開騷獲五迷熱情應援 五月天躺舞台感性談心事

台灣天團五月天嘅香港站巡唱，眨眼已經完成一半啦，喺過去嘅周未佢哋繼續演出，只可惜5月4號嗰場再度遇上風雨，令演唱會要延遲開騷兼喺雨中進行。

不過即時再強烈嘅暴雨，都淋唔熄五迷嘅熱情，仲大叫唔想返屋企，連阿信都連番問咗大家幾次係咪真係確定唔返屋企。而喺呢晚嘅點歌環節，就發生提詞機失靈問題，阿信即刻打天才波邊作邊唱，盡顯急才。

去到5月5號晚，天氣終於轉好，五子更定呢日係「五月天日」，而佢哋亦感性咁瞓喺舞台上，望住天空同五迷講心事，話五月天總有一日會被人遺忘，但佢哋五子就一定唔會忘記香港呢片天空呀。