神耆小子丨樊奕敏服飾暗藏玄機鄭則士刻薄性格辣火頭

《神耆小子》噚晚（6號）播出第一集，劇情已轉入直路；零食公司大老闆錢大海（鄭則士飾），由於為人一言堂，性格刻薄、尖酸、賴皮兼脾氣差，喺首集分別同拍拖12年嘅情人知己洪玫瑰（樊亦敏飾）、兒子錢繼來（曹永廉飾）同女兒錢有方（傅嘉莉飾）爆發衝突，又「威脅」公司IT部有為年青趙一鳴（冼靖峰飾）暗中調查繼來同玫瑰，最後事件更演變成「改遺囑」同「被綁架」事件。

樊亦敏喺第一集入面，出親場都唔同造型，勁正！

Kent哥同Amy無論係扭計詐嬌戲、冧豬談情戲、亦或衝突嗌交戲都火花十足，Amy大派表情包唔在講，就連Kent哥都大玩「深情表情包」。身為女一嘅Amy造型方面亦相當吸睛，單係第一集，已先後以8個色系造型亮相，Amy坦言暗藏玄機：「其實全部套裝嘅顏色，都係錢大海公司Logo嘅顏色嚟，證明洪玫瑰幾咁愛公司。」

Amy 拍扭計詐嬌戲冇難度。

飾演性格倔強又踏實失婚千金有方嘅Kelly，出場嘅「遴迍執橙」演活無助同狼狽感。今次造型回歸平淡以淡雅成熟Look上陣，其中一襲米色系飄逸背心及西褲套裝，不但將Kelly美好身段表露無遺，一舉手一投足仲散發陣陣仙氣。

Kent 哥嘅冧豬樣加埋 Amy 嘅扮嬲樣，真係好有火花。

劇中同Kelly有感情線嘅蕭正楠（Edwin），飾演頂級正骨中醫師趙子勇嘅佢，甫出場即要應付重症病患，Edwin亦只需兩、三下功夫已醫好對方；雖然只係短短20秒左右鏡頭，但Edwin明顯落足手力、腳骨力及腰力；據知相關場口全程有專業師傅駐場逐個動作調教Edwin，而Edwin亦相當聰穎一學即曉。

呢個「金叵羅」，搞到大海同玫塊鬧大交。Kelly 嘅出場都好有記憶點。Kelly 呢個 Look 勁有仙氣。短短 20 秒左右嘅戲份，已感受到 Edwin 嘅好身手。第一集就搞到又改遺囑又綁架，節奏好明快。冼靖峰獲讚演技自然。