伍允龍謝票遭阿叔連環飛腳毫無防備 認脾氣好：家人從小教導

伍允龍日前為電影宣傳謝票時，被一位阿叔連環飛腳兼突如其來肘擊推倒落地，頓時成為近日最熱門嘅娛樂話題。事後呢位阿叔被人批評無武德，不過被偷襲嘅伍允龍就展現絕佳風度，獲多方讚賞。

伍允龍指當時冇被嚇親，因為做活動交流所以毫無防備，佢話明白有時觀眾睇得好投入，可能呢套電影自己演技有突破，令對方以為自己真係戲中角色。伍允龍覺得對方出發點係冇惡意，就盡力用冷靜方法處理。

其實伍允龍自細習武，若果真係出手，相信阿叔招架唔住，而伍允龍喺成件事上武德嘅表現，令佢人氣急升，伍允龍話武德係需要注重，因為學咗功夫，又指自己一向脾氣都比較好，可能係由細到大家人嘅教導。